21 лютага адзначаецца Міжнародны дзень роднай мовы. У нашай краіне ў гэты дзень праводзіцца шэраг мерапрыемстваў. Адно з іх - рэспубліканская дыктоўка, ініцыяваная старшынёй Прэзідыума НАН Беларусі акадэмікам Уладзімірам Гусаковым. Настаўнікі і вучні нашай установы адукацыі таксама далучыліся да напісання дыктоўкі. "Беларусь - краіна-мара" - такая назва ў тэкста. Там распавядаецца пра прыгажосць нашай прыроды, пра няпростую гісторыю краіны, пра тую веліч, якой дасягнула Беларусь у мірны час. Удзельнікі мерапрыемства не толькі праверылі ўзровень сваёй пісьменнасці, але і прадэманстравалі любоў і павагу да беларускай мовы, адчулі яе прыгажосць і мілагучнасць.