Трэці дзень лагера пачаўся з ранішняй лінейкі, дзе дзеці пазнаёміліся з планам працы на гэты дзень.
Каб прывіваць дзецям патрэбнасць у чысціні, асабістай гігіене і акуратнасці прайшла хвілінка брудных рук. Вясёлая гімнастыка ўзбадзёрыла дзяцей.
Гульня-віктарына "Смачна, карысна ўсім" пашырыла веды аб разнастайнасці прадуктаў харчавання, іх карысці для арганізма, аб неабходнасці наяўнасці вітамінаў у арганізме чалавека.
Выклікала ў дзяцей станоўчыя эмоцыі ад рухальнай актыўнасці гульня-падарожжа “Па сцежцы здароўя” .
Спартыўны запал і жаданне дабіцца перамогі для сваёй каманды захоплівалі дзяцей пры правядзенні спартландыі "Спрытныя, смелыя, умелыя", падчас якой пераадольваліся перашкоды, правяралася цягавітасць і спрыт.
З захапленнем прайшла пазнавальная гульня «Што? Дзе? Калі?», якая была накіравана на развіццё лагічнага мыслення, эрудыцыі і каманднага духу.
Масу станоўчых эмоцый падарыла прагулка "У пошуках вясны". Вучні атрымлівалі асалоду ад цёплых промняў сонца, сачылі за з'яўленнем першых парасткаў траў і набраклых пупышак дрэў, прыслухоўваліся да радаснага шчабятання птушак.
Скончыўся дзень праглядам мультыплікацыйнага фільма "Мойдодыр"
Дадому дзеці пайшлі з масай станоўчых эмоцый.