Другі дзень у лагеры "Сонейка " пачаўся з ранішняй лінейкі і вясёлай гімнастыкі. З дзецьмі была праведзена хвілінка бяспекі "Ідзём на экскурсію", дзе ўсе разам успомнілі правілы паводзін у грамадскіх месцах.
Вельмі цікава і пазнавальна прайшла экскурсія ў пажарна-аварыйную выратавальную частку нумар 3 Барысаўскага ГРАНС. Выхаванцы пазнаёміліся з прафесіяй пажарнага-выратавальніка, прымерылі спецыяльныя касцюмы, выратавальныя камізэлькі. Дзеці даведаліся, якое абсталяванне знаходзіцца ў пажарнай машыне, азнаёміліся з побытам пажарнай часткі. Многія з іх захацелі ў будучыні выбраць для сябе прафесію пажарнага.