Дзень грамадзянскага і патрыятычнага, духоўна-маральнага выхавання
У першую суботу верасня, 07.09.2024 года, для вучняў 5-9 класаў установы адукацыі прайшло выхаваўчае мерапрыемства " Адкуль наш род і наша мова" , прысвечанае Дню беларускага пісьменства,які ў гэтым годзе праходзіў у г.Івацэвічы Брэсцкай вобласці. Форма правядзення мерапрыемсва - завочнае падарожжа.
Пачалося яно з горада Полацка і закончылася горадам Івацэвічы. Удзельнікі мерапрыемства ўзгадалі гісторыю свята, пазнаёміліся з жыццём і дзейнасцю Францыска Скарыны, пабывалі ў гарадах, якія сустракалі свята, чыталі вершы, адказвалі на пытанні віктарыны, выконвалі творчыя заданні.
Роднае слова – люстэрка культуры народа, яго духоўнае аблічча. Мова – наша спадчына, якую мы атрымліваем ад бацькоў і павінны перадаць наступным пакаленням.
07.09.2024 для вучняў пачатковых класаў прайшло мерапрыемства "Зямлі маёй родныя словы". Дзеці адгадвалі загадкі на беларускай мове, гулялі ў гульню "Перакладчык", складалі прыказкі, знаёміліся з беларускімі казкамі, малявалі ілюстрацыі да беларускіх казак. У канцы мерапрыемства ўсе ўдзельнікі атрымалі салодкія падарункі.