16 лютага для вучняў 6 класа была праведзена гульня – віктарына “Вандроўка па родным краі”, прысвечаная Міжнароднаму дню роднай мовы.
У ходзе мерапрыемства вучні выконвалі разнастайныя заданні: “Перакладны слоўнік”, дзе да прапанаваных рускіх слоў падбіраліся беларускія адпаведнікі; “Перакладчык” - заданне на веданне цікавых слоў; “Перакладзі прыказку”, дзе вучні спрабавалі перакласці прыказкі з рускай на беларускую мову.
У кожным з тураў вучням патрэбна было адказаць на пытанні і выявіць свае веды па беларускай мове і літаратуры.
Гульня развівала слоўнікавы запас, садзейнічала развіццю ўважлівасці, хуткасці, актыўнасці, адказнасці.
Спадзяюся, што мерапрыемства, якое было прысвечана нашай роднай мове, нікога не пакінула абыякавымі, данесла да ўсіх тое, што трэба ведаць і любіць “зямлі бацькоўскай слова”!
Любіце, шануйце, паважайце родную мову, размаўляйце на ёй часцей!